فلسطين

ترابك غالى يا فلسطين
يا دوا القلب وكحل العين
يا اهلى واحبابى اجمعين
بلغوا عنى الغالين
قلوللهم على غزه راجعين
زغروده كبيره يا أم الاسير
جيلك من عسير ليسير
همشى من غزه شبر شبر
وحته حته لجل ابوس ترابها
لجل اشوف احبابها وهما فرحانين
يا ارض العزه والكرامه هللى بالفرحه الكبيره
زغردى يا ام الأسيره
اليوم راجعين فى احلى مسيره
على ارض عزتنا وبكرامتنا رافعين الرؤس
ولت عهود الاستعباد والاتى كله عناد
زغردى يا أم الولاد ولادك هنا راجعين
احرار ابرار طالبين النصر
ويا الحبيبه مصر والايد فى الايد
فتح وحماس ما حد هيقدر يفرقنا تانى
مهما اتغيرت المعانى
ومهما طال الزمن القدس لينا
ترابك غالى يا فلسطين علينا
وبدمنا نفديكى وبعنينا نغطيكى
ولو جار الغدار عليكى
ننهشوا بسننا تانى
بحبك بكل المعانى

ندى يوسف

كم أنت عنيد

لماذا أحبك أنت دون غيرك ؟
هل تعلم أن الجواب بداخلي احدث به نفسي
ادخره كي أحاكيك به عندما يحين وقت حوارنا
فهل هناك متسع من وقتك كي تمنحني شرف الحديث ؟
تعال إلى فقلبي ضاق لكثره عنادك وابتعادك
يشغلك كل شئ في الحياة إلا أنا
أنا السابحة في بحر هواك دون مرسى
أنا المجنونة عشقا بك دون جدوى
كم أنت عنيد
لا تغب عنى أريدك بجانبي احتاجك كثيرا
امنحني بعض من وقتك الثمين
كي تشعرني بأنك لي وحدي
باني كل الدنيا وما فيها وما تملك منها
لأنك دنياي وما املك فيها فأنت كل جواهري
وعطوري وازهارى التي ارويها كل صباح
أنت من اتحدت روحي بك فسارت تهيم
حولك لتراك وأنت لا تراها لتحتضنك وأنت بعيد
لتؤنسك وأنت وحيد أين أنت منى
لا لا تغيب احتاجك دوما دواء لشقائي
نغم لأغنياتي وحروف اكتبها بقصائدي
احتاجك يا نهر حناني ودنيا اشواقى
كم أنت عنيد

ندى يوسف

—خليك هيمان

فى دنيا العشق والعاشقين
اكتب نغم اكتب الم اكتب حنين
الله عليكى يا دنيا العشق و العاشقين
نحلم نتمنى نعيش الحلم حقيقه
نتمنى نعيشها دقيقه بدقيقه
وهو العمر كله كام دقيقه ؟
لو القلب بات حزين
خليك حيران هيمان عشقان
وانسى اللى فات من ذكريات
افتكر لحظة وجودك بين اديه
اول كلمه اول همسه فى نظره حلوه من عنيه
اكتب مشاعرك قول لقلبك انت عاشق قد ايه
عيش اللحظه واياك تنسى انك بدنيا العاشقين
نغم حروف هرب الخوف وانكتب الفرح فوق الجبين
لحظة ما شفت صورته
لحظة ما كتبت اسمه
لحظة ما ناديت عليه
الله الله على دنيا العاشقين
فيها القلوب ترتاح
فيها العشق براح
فيها اهيم سواح
فيها هعيش مرتاح
بالحب ولو ليومين

ندى يوسف

اتهوانى ؟

علمت أنك تهوانى فقلت إياك والعقد

فأنا إمرأة غير نسائك أجمعين

أنا زهره لا تستهواها حياة البساتين

برية أنا إلا أننى أجاور زهر الياسمين

وأعشق الريحان والفل زهرة توترنى

فهى بحنوها تخجلنى وتشعرنى بأنى كشوكة التين

أ تهوانى  ؟

علمت فقلت إياك والعقد

قلت أنك رجل بلا قدر ولكن عشقى لك قدرا

فعلم بانى والأقدار على موعد لأقتلها

قبل أن تغتال عشقى فتقتلنى

واكره الصيف إن أراد حره يعاندنى

فكن أنت الربيع لأتنسم عطرا يمتعنى

أنا أمرأة غير نسائك فاعذرنى

إ ن أردت عشقى فعن تمردى أرجعنىأنا غير كل النساء

متمرده بريه قل كما تشاء إلا أننى

أهواك فهل تهوانى  ؟ 

ندى يوسف

تغيرنا

تغيرت حبيبي
تغير كل شئ فينا
حتى المشاعر وما عاد يجدي لمس أيادينا
تغيرت لغة المشاعر بشفانا
وجف ندى الزهر والرياحين
فهجرك حبيبي حيرني فحولني لشئ أخر
أصبحت كشجرة فقدت أغصانها أوراقها
فباتت لا تنبت رغم أنها ياسمينه
لماذا تغيرنا ؟
تبدلنا فأصبح ما ليس فينا يناجينا
أين ذهب الحب ؟
وان عاد هل سيحينا ؟

ندى يوسف

ارتعاشات قلب

لا يزال سحر عينيك 

يعبث بأجزائى عشقا

كجبات الفل الأبيض

المنثور على سطورى

فبقربك استشعر الوجود

واحاكى القمر الساهر

على نغمات العشق النادر

حبيبى اتسمعنى؟

احتاجك نغم لحروفى 

لتخاكى عشق روحك

كما احتاجك

قلب يلملم ايامى 

ليشعرنى بدفئ حياتى

حبيبى

هل تشعر بما اعانى ؟

فغيابك عنى اضنانى

زادنى حزنا

وفارقت البسمة شفاهى 

واقسمت على ان لا تعود 

الا بعودتك فمتى تأتى لتأ خذنى ؟

متى ترى عيناى عيناك

وارسم فى مقلتيك حروف اشتياقى؟

حبيبى

لا زلت على عهدى بك

اتذكر كلماتك مداعباتك احلامنا معا

ما زلت اغلق ابواب قلبى

ولن تفتح الا بوجودك

حبات الفل هنا نثرتها

لتكون عطرا نتنسمه بحضورك

حبيبى

امنحنى الوجود بك 

لاحيا قلب هائم فى محراب حنانك الابدى

امنحنى شربه ماء من فيض نهر 

يروى الروح ولا اظمـأ بعدها ابدا

امنحنى الرضا بوجودك

فانى بك اصبح اجمل زهرات الربيع

وبدونك اموت ولا معنى لوجودى

ندى يوسف

انتهيت

انتهيت

انا خارجه من حياتك من سكات

خارجه وقلبى فى هواك مات

من كتر القسوه وأيام العذاب

أخدت قرارى ومفيش لحظة عتاب

قسيت على قلب حبك سنين وسنين

وليه أدور عليك أنت دورت على مين  ؟

واسامح ليه  ومين  ؟

دا انت قسوتك ملهاش حدود

وصلتنى لطريق طويل صعب ومسدود

طريق لونه سواد الموت

أنا عديت لطريقك الف مليون مشوار

وفى كل خطوه عذاب والعقل من الفكر احتار

كنت بخاف اقسى عليك من كتر حبى

وخايفه اقفل باب تعدى منه لقلبى

بعمايلك ضيعت اللى فات

وبأديك موت أجمل ذكريات

أنا خارجه من حياتك وبأردتى

قبل ما يقولها لسانك

او حتى اترجى حنانك

بس نفسى فى كلام كتير

يمكن يحرك فيك الصمت

أنا أسفه مش عتاب ولا حتى ملامه

انى ضيعت عمرى فى حب  مات من زمان

أسفه انى ملكت قلبى لقلب  قاسى ملوش أمان

فىالظاهر حنون والباطن خوان

أسفه على كل كلمه حلوه قلتهالك

أو حتى لحظة  حنان

وكلى أعتذار لقلبى اللى ضيعته بغدرك

وحرمته من حب وحنيه بقربك

انا خارجه والتمن خلاص دفعته

كان غالى  عليه من دمى ودموع عنيه

ومكانى خلاص بودعه وعمرى من تانى ما هرجعه

اوعدك انا هنسى ولا عمرى هفكر فيك تانى

انا خارجه من حياتك والتمنى كان غالى عليه

عمرى وسنينى وعشقى وحنينى

ذكرى تفكرك باللى كان بينك وبينى

يمكن  فى يوم قلبك يلين وتعرف الحب والحنين

وتعيش فى ذكرى المحرومين

وساعاتها بس هعرف انك ندمان عليه
بس يا خساره فات الزمان وعمرك ما هتكون ليه

انا ودعت حرمانى ومش صعبان عليه
انى خارجه من حياتك

وده معنى الحريه

ندى يوسف

اوصاف

أوصاف

يا عيون خدتنى ودوبتنى في سحر الكون وجماله

برغم الدموع اللي فيها

عرفتنى سر القلب وأحواله

عرفتني معنى إلهنا

من بعد غربة ليالي طوال

بعد شقي فاض  منه أنهار

طلعت شمس نهار جديد

بخبر مكتوب فى كتاب

سطوره تدوب القلوب

فتحته قريته ومن فرحتي خبيته

عن الناس وزماني لجل الحب يدوم

يا قلب وعيون شجيه هخبيك عن الناس إلا عنيا

يا سر عشقي يا عمري بايامى اللى راحت واللى جايه

برغم عذابك وعندك

الا انى حاسه بحبك
عارفه انى عايشه فيه
ومهما زعلت
عمرى ما هندم عليه

دى عيون خدتنى ودوبتنى وعيشتنى الحب
لما الحب نده عليا وانا بالحب ندهت عليه

ندى يوسف

غريبه

غريبه

غريبه عجيبه الدنيا ديه

أبعد الاقى فى البعد لهفه ومحبه

أقرب الاقى صد وعند وقلوب جاحده

غريبه والله قلوب البشر يا زمانى

نستنى من الحزن أ فراحى وحنانى

وقلت أمشى فى طريق غير طريقهم

واتنسم عبير غير عبيرهم

يمكن ترد فى نفسى الحياة من تانى

يمكن الاقى ناس تفهمنى وارجع بيهم الثقه تانى

كل يوم اقابل وشوش فى صورة وحوش

بينهشوا فى لحم البشر بسم الانسانيه وقلوبهم حجر

مين دول فى عالمنا ؟؟؟؟؟؟؟؟

نبص فى وشهم تلاقى ضحكه  مرسومه بصفار

تحاول تفاديها تلاقى وشوش مغطيها الغبار

تمد ايدك تلاقى الف نار ونار

ان قربت تتلسع منها وأن بعدت صهدها هو حنانها

بيقولوا احنا ملناش مسيل وقلوبنا شهد سلسبيل

أحترت وأحتار دليلى

وأزاى أوصف يا ليلى

وأزاى أعيش واقدر افرق بين قلوب الخلق دى

عجبى عليك يا زمن رجعتنى للحيره تانى

والطيبه صعبانه عليه

ندى يوسف

قصة حبى

قصة حبي

قصة حبي أنا عشتها

بنيتها من الوهم وصدقتها

كان نفسي أعيش أشواق وحب

وفرحة قلب وأقول يا رب ما تنتهي

وصبرت كتير وعدت سنين

وأنا العهد القديم باقي

مع أن خيالي حزين

تكلمني أصدق كلامك

وأكتب من القصايد نغم

يسمعها قلب العاشق طرب

تغضب تسود الدنيا فى عنيه وتزيد شجوني

وأصبر نفسي وأقول انا منك أقرب قريب

أتاريك عاصي على حبي وطول عمرك غريب

حتى عن نفسك

وكل اللي فى نفسك تقوله وتعمله

وأنا بدوري بالوهم بكمله

وأجارى أشواق زايفه وخداعه

وأكمل مشوار الوهم من تانى

وأضمك وأخذك فى أحضاني

وأخاف عليك من نسمه الهوا الصافية

وأغطيك من برد  الشتا برموش حانية ودفيه

وبنفس الوقت بردانه وللأشواق عطشانة

ومن الخوف من لحظة فرقا هربانه

وعشت سنين ومرت عليه بقسوتها

قليل ألهنا فيها وبدموع عنيه خبيتها

ليعرفوو الناس حالي ويلومني الرخيص والغالي

ويشمتوا فيه عزالى  هربت من نفسي ومن غدر الدنيا

ليقتنى برمي ذكرياتي من عمر فات

لا هيرجع تانى ولا الفرحة هتنور عنيه

حسبي على كل قلب غدار لحبيبه

بكره يعرف قيمة الحب لما الحب يضيع ويسيبه

ندى يوسف

أنا بيك عايشه

أنا بيك عايشه

ومن غيرك أموت
والعمر بيتحايل عليه
ويوم ورا يوم بيفوت
أيامى فى بعدك جفا
والقلب راح منه الدفى
يا دوا وجعى وعذابى
يا أعز وأغلى أحبابى
بستنا لحظه تخبط
فيها على بابى
وينادى صوتك بأسمى
وتقولى تعالى وابتسمى
أنا بين احضانك بعيش
وغيرك فى الدنيا مليش
أنتى أهلى وأحبابى
أنتى منايا وشبابى
وتضمنى فى حضن قلبك
وارتاح من همى على كتفك
وأنسى ليالى العذاب
اللى طيفك فيها غاب
عن قلبى وقفلت الباب
وبابى معاك مفتاحه
مستنى المسا قبل صباحه
تفتحه وتيجى تنادينى
وتقولى تعالى ضمينى
يا فرحة عمرى وسنينى
وأطير أنا من الفرحه
وأغنى بصوتى موالى
وأنادى كل الاحبه
وااقول تعالوا هنا قبالى
حبيبى من بعد الغيبه
خلاص يا احبابى أهو جالى
وعمرى هيبتدى من تانى
بفرحه وشوق وأمانى
لا عمر كلمه تزعلنا
ولا باب هنقفله من تانى
هنروح على شط بلا أحزان
ميته دفى ورمله حنان
وهنزرع ورود فى بستانى
نرويه بحبنا وحناننا
ونعيش انا وأنت هنا فى جنه
طيورها تغنى شوق وأمان
أنا بيك عايشه وهعيش تانى


ندى يوسف

أين أنت

اين انت الان  ؟

يا من اردتك تسمعنى

غاب طيفك عنى

الا ان احزانك توجعنى

ما بال قلبى يئن فراقا

وتناديك الروح للرجوع

كى نتسامر مع اولى خيوط الفجر

حتى يناجينا الليل والقمر

اين انت يا عمرى ؟

بغيابك فقدت العمر

فقدت الاحساس بعبير الزهر

فقدت كل شئ احببناه سويا

هل سأراك قريبا ؟

هل سأسمع صوتك ينادينى

يقول فى همس

يا عاشقة الروح اروينى

فقد جأتك ظمأن لقطرة ندى تحيينى

تعال الى حبيبى فوجودك ضياء لعينى


تعال الى فقد ساقتنى أقدارى

كى نغتنم بعض لحظات

احاكى فيك قلبى وحياتى

فأنت يا عمرى قدرى

وانت سر حياتى



ندى يوسف

أهواك

أهواك

أهواك حلما

سرابا

وأيقنت أن بيننا

ألف جدار وجدار

وأنى بالقرب منك

ألف وسيلة أنتحار

وتأكدت بأنك بعيد 

مثل النجوم

وبأنك حلم يقظتى

عند أنكسار الجفون

وأن عشقك ليس إلا

بعضا من الغيوم

ورغم ذلك

بدون هواك حبيبى

حياتى لن تدوم

أهواك وأعلم أن

فى عشقك هلاكى

فرفقا بقلب

تعلق بالسراب

وغنى فى العشق

قصيده مطلعا أغراب

فقد ضل قلبى

سبيله فى هواك

واليوم اعلن انتحاره

ليكون فداك

فأنت عشقى والهلاك


ندى يوسف