نفسى فى ورده روز والتانيه حمرا والتالته على ذوقك
أجمعهم فى صحبه وزينهم بالتمر حنه
لجل اهديها لحبيبى وضيا عينى دنا لاشواقه بتمنى
وأفتكر وانت بترص الزهور تحاوط غصنها بالنور
لجل ما تفرح عيونه والمس فى قلبه السرور
واياك تنسى عود الريحان وكون فى رصها فنان
دالغالى عاشق الحنان وانا بحنانى بدفيه
استنى يا بستانى ما تنسنيش انا عايزه ايه
خلى فى الصحبه ورده بيضا صافيه تحافظ عليه
كل ما يتطلع فيها يلاقى الخير والعافيه حواليه
وكمان زهر القرنفل ونرجس لجل يضمها بحنانه
ساعة ما قلبه ينده وانا بجرى عليه
نفسى المح عيونه ساعة ما تحضن ورودى
ويلامس بأديه خدودى
واخده فى حضنى وانادى
الله عليك
ندى يوسف
ليست هناك تعليقات:
إرسال تعليق