بكتب فى حبك
قصائد حب للعاشقين
تهدى الحيارى ويدوب
فيها كل قلب حزين
يا حب عمرى يا غالى
عالقلب ونن العين
يا بحر شوق بسفينه
تجمع شمل كل حبيب
معاك السهر يحلى
والعقل يتوه والنفس تطيب
اكتب بقلمى وانظر بعينى
واتوه بعقلى فى سحر عنيك
وامشى واعدى وارمى
شوقى فى حضن اديك
وادفى ايدى وينطق
وريدى حروف اسمك
واجمع من بستان الحب
زهره توصف رسمك
يا نبع صافى يا خل
وافى انا جوه قلبك
خلى كلامك يوصف
غرامك وانعم بقربك
واتوه فى سحر
كلامك واقول بحبك
تعال نرسم بالقلم ايام لقانا
تعال نضحك عالسنين
ونوصف هوانا
تعال نغنى للعاشقين لحن هنانا
تعال نكتب عالشجر ان النهارده
اتولد الحب بينا ونكتب قصائد
ندى يوسف
ليست هناك تعليقات:
إرسال تعليق